– बन्दना थेबे सुब्बा, सिंगला चियाबगान, दार्जिलिंग
मलाइ तिमीले माया गर्ने व्यवहारको
बियाँ कोट्ट्यायेर हेरें,
अनुभव गरें, अनि बाहिर निकालेर हेरें,
अनौठो केही सल्बल्यायो त्यहाँ
तिरस्कारको अलिकति दाग
अपमानको कालो केश्रा हो,
पक्का-पक्की भयो
तिम्रो व्यवहार यौटा पहेलीजस्तो किन भै रह्यो
आज प्रष्ट भयो।
त्यहाँ मायाको नाम निशान थिएन
फगत आँशुको सौगातमात्र थियो
तिमीले मुस्कानमा बाँधेर दिएको तर…
गुनासो पालिन मैले मुटुको पाखातिर,
बरु,
तिमीले दिएको सम्झें
सम्हालेर राखेकी छु
तिम्रा तिरस्कार र अपमानलाई
त्यस्तै हो त्यस्तै
जहाँ तिमीलाई तस्वीरमा
सजाएर राखेकी थिएँ।